免費前進馬來西亞、新加坡! 客委會開放青訪團徵選4/14報名截止

客家青少年國際事務訪問團開放報名囉!

【蘇佑昇/西湖海陸腔】今年因為疫情變無恁嚴重,所以客家委員會也決定,重新恢復辦理「2023客家青少年國際事務訪問團」,這隻甄選活動,會從今晡日起始到4月14日(拜五)以前接受申請,歡迎符合資格个全國15歲到18歲个青少年,遽遽來報名參加甄選。假使通過徵選,就做得在7月31到8月14去新加坡還有馬來西亞个海外客家文化發展个重點所在交流參訪2隻禮拜,客委會表示,從106年起始客委會辦理「客家青少年國際事務訪問團」,經過3屆之後,培訓出來36儕優秀个客家外交特使,這兜細細外交特使已經去過美國、德國、法國、西班牙、紐西蘭還有澳洲這兜國家,打擺餳到百零儕學生來報名,全部愛爭取出國訪問个機會。

最尾提醒,愛報名這隻活動个後生,淨愛係客家人還係自家認同係客家人,有中華民國國籍个15歲到18歲个青少年,在今年4月14以前,做得有兩種个方式報名,分別係書面郵寄,書面郵寄寄到客委會个書面資料一定愛有撍印仔,另外一種方式係網路報名,網路報名到4月14暗晡11點59以前報名,提醒鄉親詳細个信息也做得到客委會網站查詢(https://www.hakkayouth.com.tw/)

 

  • 目前客家青少年國際事務訪問團時程表:
  • 複選日期:5月13日(星期六)
  • 決選日期:5月27日(星期六)上午
  • 行前訓練:7月15日至26日(12天)
  • 出國日期:7月31日至8月14日
  • 成果發表:8月23日
    客家國際青訪團,每屆學員十八般武藝樣樣精通,是臺灣前進海外的最佳客家特使,孩子們出訪時,屢屢讓國外朋友及海外客家鄉親驚艷不已。客委會提供
    第二屆客家國際青訪團,由12位客家後生組成,在2018年8月1日至20日赴歐洲西班牙、法國、德國三國進行國際事務觀摩學習、跨文化交流暨志願服務,學員收穫滿滿。客委會提供
    第二屆客家國際青訪團,訪問期間前進德國安養院為長者獻唱客家歌,長輩們感到十分新鮮又感動。客委會提供
    第三屆客家國際青訪團,在兩週的紐澳跨文化交流暨志願服務期間,也接待海外客家鄉親,彬彬有禮的孩子們,是全場最佳客家外交特使。客委會提供
    第三屆客家國際青訪團,13位學員十八般武藝樣樣精通,是臺灣前進海外的最佳客家特使。客委會提供
    由13位客家後生組成的第三屆「2019客家青年國際事務訪問團」,成功完成為期兩週的紐澳跨文化交流暨志願服務,也讓孩子們快速成長、學習滿滿。客委會提供

    13位客家後生,經過激烈徵選後,前進紐澳跨文化交流暨志願服務,擔任臺灣客家最佳海外特使。客委會提供

面書還有IG今晡日宣布打隻月納錢新台票364塊 就做得有「藍勾勾」个消息

面書(Facebook)公司Meta Platforms Inc今晡日宣布,推名仔係Meta Verified个納錢服務,消費个用戶,請愛提出政府機關核發个身分證件,通過驗證過後就做得拿到藍勾勾,毋過愛打隻月納錢364塊个銀,面書Meta Verified表示,這隻功能會先在這禮拜,提前在澳洲還有紐西蘭推出,之後會陸續在其他國家推出。

|講客廣播電臺-收聽頻率|

▹宜蘭 FM102.9

▹北北基高屏 FM105.9

▹桃竹 FM105.7

▹苗中彰投 FM101.5

▹雲嘉南 FM104.3

▹花東 FM106.9

|網路收聽|

▹講客廣播電臺官網|https://pse.is/R8RU8

▹講客廣播電臺APP|

(Android連結:https://reurl.cc/8GWlXd)

(IOS連結:https://reurl.cc/O1pb59 )

歡迎大家下載講客廣播電臺APP,共下講客Let’s fly

這篇文章 免費前進馬來西亞、新加坡! 客委會開放青訪團徵選4/14報名截止 最早出現於 客新聞 HakkaNews